「我覺得依家嘅年輕人，心態真係好灰！」與大部分香港人一樣，吳傑莊（Johnny）自幼在公共屋邨 長大，沒有祖蔭作依靠，惟他並無怨天尤人，憑藉一股拚搏向上的「香港精神」，二十五歲創業，三十二歲成為上市公司主席，擁有博士後學歷，有樓有車，是白手 興家的典型例子。他最近成立「香港青年學生動力」，專注青年事務。「我想向青年學生傳遞一個訊息：生於香港，其實仲有好多發展機會！」
吳傑莊Johnny經常面露自信的笑容，加上定期行山和跑步，面泛健康膚色，令他看來比實際年紀還要年輕。他現任 高鋒創投主席，旗下的控股公司，包括金至尊數碼科技、中國醫療系統、鈦極科技集團，其中兩間在美國上市。年輕有成，但他並不滿足於追求一己安樂，最近成立 「香港青年學生動力」，希望透過義工活動、青年學社、「徵書活動」、工作坊等項目，重建大學生、中學生信心，喚醒年輕人的「香港精神」。
「我覺得依家嘅年輕人真係好灰，好多年輕人批評『置安心』計劃，話過咗十年之後，儲得三十萬首期，到時樓價可能升到去四百萬，首期都唔夠畀啦。我心諗：邏輯有問題。點解呢？即係你假設呢十年自己都無人工加，無得向上游！呢種心態，無咗香港人拚搏向上嗰種香港精神。」
Johnny一九九六年大學畢業，九九年取得博士學位，其後與幾名同學創立303科勁公司，在這幾年間，「基本上一日要做十八個鐘，真係辛苦到爆！」不過他迎難而上，練成一身銅皮鐵骨，不怕捱苦。
奉勸年輕人珍惜光陰
時下不少年輕人認為香港的發展空間有限，對社會充滿怨氣，Johnny卻認為機遇處處。「在資訊年代，每隔三個 月、半年就會有新一代產品推出市場，證明機會愈來愈多，當然競爭也會愈大，但係人吸收知識嘅能力也會增強，不用太擔心。大部分香港年輕人愈來愈灰，我覺得 佢哋要調整心態。生於香港，其實機會好多，點解呢？香港係國際大都會，好快吸收來自世界各地嘅訊息，又有龐大的內地市場作支持，恨死隔籬。年輕人既要認識 外國思想，亦要了解中國國情，喺中間尋找自己嘅機會。」
Johnny又奉勸年輕人珍惜光陰：「好多年輕人有一個共通弊病，認為自己後生係一項資產，呢種心態唔要得。年輕 人更加要珍惜光陰，因為每過一日，你就無咗一日。珍惜光陰之後，你要揀選目標，定立方向，建立個人信用，然後機會就會慢慢埋嚟，唔使太心急。作為過來人， 我覺得以呢種心態去發展事業，其實出頭機會好多，真係好多！」