八九十後年輕一代夢想創業，最大本錢始終靠創意及零成本的網絡資源。從美國回流本港的八十後美少女Rachel，做過兩年金融界打工仔，不想隨波逐流抹殺創意，開設「行李篋日租」生意，瞄準愛旅行又屋企無位的港人，出租「篋中LV」RIMOWA搵銀，一步步打造夢想的旅遊專門店。
「香港人的屋企普遍都不大，最多放到兩個篋，好似我去年年頭familytrip，成家人四、五個一齊去，就要周圍撲問人借篋，整爛又唔好意思，又或者買個平篋，用完唔要，但又好浪費，就諗到點解無租篋的服務呢？」現年二十五歲的Rachel說，她花費二十萬元，購入十個「篋中LV」RIMOWA，以及潮興的運動攝影機GoPro，以數十元一日出租，開業四個月已收支平衡。
寸金尺土的香港，空間本錢最貴，熱愛旅行的港人無奈家中容不下數個篋，長途旅行租行李篋可能不划算，但勝在節省空間又環保，「其實台灣已有幾間較大規模的租篋店，台灣與香港的環境相似，人的心態亦似，所以覺得香港都可以仿效台灣的做法。」她透過社交網站宣傳，已建立人氣，平均每月出租二十個篋和十五部攝影機，估計月入可達數千至一萬元。