香港人生活緊張，網上優閒生活分享平台ShowMuse找來城市名人、明星，在網站及APP分享品酒以至學習瑜伽等學問，成功吸引一眾粉絲。在享樂背後，原來ShowMuse總監張龍華（Dennis）曾患血癌，跟死神擦身而過！自此他更珍惜生活，以平台分享生活趣味，結果殺出血路，成功吸引千萬元注資。
生老病死非掌握之內，「無嘢係必然，健康、四肢健全，都不是必然的。」ShowMuse總監Dennis病愈後未有停下，選擇去創業，用另一種過癮的方式享受生活。公司更成功取得科學園300萬元資助，至今累計總融資更達千萬元。
他笑言，只有創業才能刻畫出豐盛的人生。卧在病床時，Dennis曾問太太：「如果我死了，你會怎跟你的新男朋友介紹我？」她回答：「我會話，你曾經開過廣告公司，間公司最後仲有好多4As（跨國廣告代理公司）爭住要收購添。」他心想：「未夠！如果我嘅人生小故事能夠更豐富，咁就好喇！」當他病愈後，便開始鋪搭創業路。
從留意日常生活中的不便，觀察身邊的事物，Dennis找到辦網上教學的商機。「我病嗰陣，唔想成日胡思亂想，就諗住上網睇吓野，點知搵唔度一個集各專業軟知識教學短片於一身嘅網站！」他當時感到有點不快，「點解會無渠道畀啲叻人分享自己識嘅野？點解教學課程唔可以放上網？而家係咪歧視病人？」
●助年輕人增軟知識
此外，一次尷尬場面亦觸發Dennis要辦教育網。「有次，我同成班外籍同事同上司去食飯，我喺餐牌上隨意點咗支酒，跟住我老闆問我叫咗支咩酒，我即時啞咗。」自此，他明白品酒等社交知識，不應是貴族才需要學。ShowMuse就是讓年輕人學好軟知識的網上平台，務求要他們贏在第2條起跑線。公司致力推動20至30歲的年輕人向上流，好讓年輕人在仕途上跑得更快、更前、更輕鬆。
●教學短片範疇廣
公司將導師的教學攝錄成短片，放上網供讀者觀看，並免費幫導師在各個社交網絡推廣，增加曝光率。不少短片均是名人教學，內容更涉獵不同範疇，包括點擊率爆燈的名模Jessica C教接吻、國際禮儀專家Dr.Nickel Leung教社交禮儀、紅人Coffee Lam林芊妤教瑜伽等，而Dennis的姐姐，即著名前主播張寶華更親自教導「自我品牌」。
收入來自瀏覽網上收費教育短片的用家、廣告商，以及報讀下線教學體驗的學員。目前，公司的收入以網上收費為主，但Dennis最希望增加上線至下線業務的收益，因加插下線體驗，用家的學習才更完整。「網上教你，呢隻酒好lightbody，嗰隻就好medium body或full body，你唔飲過，你一世都唔會知！」不過，大部分基本知識都不需面對面指導，所以網上教學已經足夠。
●堅持守業終可捱過
Dennis在訪問的過程中，不以為然的提過幾次創業的「過癮」心情，「你問我，做Start-up辛唔辛苦？做ShowMuse辛唔辛苦？我可以話係好辛苦，不過我覺得好過癮！」「我有時煩到唔隊酒瞓唔到覺，不過又真係好過癮！」他更指自己是被虐狂，「人有惰性，所以我好鍾意投資者定啲高難度嘅目標畀我哋！有佢鞭策我哋，我哋無得懶。」要創業，就是要跟時間競賽。
經歷過人生的低潮，Dennis的心理質素非常高。「我好相信，只要你過倒人生嘅最低潮，下一個迎接你嘅就係人生嘅最高潮！如果低潮係負十，高潮就必定係正十！」他經營ShowMuse，最沮喪時，他會跟自己說，「好彩我之前面對過癌症，如果唔係，都唔知點過。」他更指，「我呢啲壓力同血科醫生畀，又算得係咩，人哋面對住人嘅生死，我面對緊係個Apps啫，係叫啲老師掟啲課堂短片上嚟啫。」
Dennis的創業經驗畀其他年輕創業家多，ShowMuse是他開創的第3間公司。他曾開設廣告公司，「頭半年好慘，一單Job都無，而幾時有，唔知，望唔倒公司嘅前景。我淨係識戇居居咁守落去！」幸好當時堅持住，其後接二連三接到工作，收入已是以前半年的薪酬。
●出錢做生意贏信譽
「唔輸得」的性格是過去創業的成功之道。他憶述開辦廣告公司時，「由零做起，人哋點會信你，好難攞生意！所以我試過同個客講，你唔使同我簽約，我出錢做，證明畀佢睇我哋係掂。收本地嘅價錢，做倒4A質素嘅嘢。」他笑指，當客人不好意思，多次免費拿你的創意自用，他們便會記得你，有需要就會找你。就此，他成功與第一家國際著名公司合作，自此客源不斷增加。
