儲存易創辦人陳啟豪（Kevin）回想走上創業路的第一天，今天的成果始料未及。「其實我冇計劃咁多，亦冇諗要賺幾多，太多計算，會損失好多機會。」二十歲創業，今天有逾百間分店，Kevin不曾脫離創業者心態，不停思考市場發展，探索儲存倉裏的無限可能。
「我讀大學時就開始創業，因為等唔切囉！」九八年，Kevin仍是個學生，在大學讀IT。當時科網熱 潮剛冒起，全球對技術人員需求驚人。Kevin跟許多IT人一樣抓緊機會，未畢業已開展創業大計，開公司為上市公司設立網上服務平台，短時間成為幾間資訊 科技公司的老闆，創業路亦由此展開。
那幾年科網狂熱，Kevin乘機會賺到人生第一桶金。後來，他見同類型IT公司陸續出現，生意發展空間有限，終有一天會遇上瓶頸，他就毅然撤出科網生意，尋找市場未知的可能，重新開始一門具潛力的生意。
他發現小型儲存倉庫在美加地區流行多年，卻未曾在亞洲出現。香港地少人多，居住環境狹小，對儲存空間需求大，儲存服務生意似是大有可為。○二年，他再次創業，在工廠區開設首間儲存倉。
然而，迷你倉對港人是全新概念，開業初期，市場反應冷淡，大半年都未有客人，他不禁懷疑自己：「係唔係我揀錯咗生意嚟做呢？」當時，公司只有兩個員工，他這個老闆甚麼都要做，「客人要乜就要畀乜，試過有客人話要擺嘢入倉，一次又一次推遲，結果我喺倉等咗佢一日。」
創業不一定會成功，「但如創業者經過反覆深思，加上客觀判斷，依然覺得生意有可為，這已踏上成功第一步。」這是他以過來人經歷勉勵後來者的寶貴意見。公司首五百個客人都是Kevin親自游說所得，每天，他既要教客人使用迷你倉，亦要對住電腦螢幕監察倉庫情況。
守業兩年，迷你倉開始廣為市場接受，公司終走上軌道，分店由一間變七間，每年營業額走上一千萬，佳績卻未有窒礙他發揮生意頭腦。一晚收工後，他走進便利店買東西，靈機一觸，想到將公司品牌加入特許經營模式，令生意發展空間再擴大。
至 今Kevin的生意已由香港擴展至亞洲多地，分店數量突破一百間。「成功之路，一定好多人阻你，我只係摸住石頭過河。」當年創業，Kevin聽過許多冷言 冷語，受過許多盆冷水，但面對有志創業的新丁，他從不吝嗇教導，更出書分享創業心得，「後生仔，最緊要記住，蝕底唔怕做，便宜唔好貪，唔好做啲唔做啲，如 果只做八成，你之後就後悔無做埋剩低嗰兩成。」
Kevin´s Profile
學歷：香港大學計算機科學及資訊系統系學士
現職：儲存易迷你倉集團執行董事
家庭狀況：已婚，育有一子